DAPITAN CITY - Kanselado ang biyahe ng mga pampasaherong barko papuntang Cebu at Dumaguete dahil sa bagyong Samuel.

Umabot na sa 167 ang bilang ng pasahero na nasa loob ng passengers lounge sa Pulauan Port.

Ayon kay Ensign Ronnie Rey Pabico ng Philippine Coast Guard, hindi na nila pinaalis ang dalawang pampasaherong barko Lunes.

“Alas-5 ng hapon kahapon hindi na nag-issue ng ticket ang mga shipping lines dahil nakataas nga ang storm signal warning 1 doon sa port of destination,” sabi ni Pabico.

Sa ngayon, nasa dalawang passenger boat, limang cargo vessel at tatlong navy gun boat ang nakadaong sa may Dapitan para magpalipas ng bagyong Samuel.

• Samuel roars closer as PH fetes China's Xi

Alas-10 ng umaga nang huling namataan ang bagyo sa may layong 335 kilometers silangan ng Maasin, Southern Leyte. Taglay nito ang lakas ng hanging 55 kilometers per hour at pagbugsong 65 kph.

Posibleng magdulot ito ng flashfloods at landslides sa Visayas, Sorsogon, Masbate, Romblon, Dinagat Island at Siargao islands.

Nakataas naman ang storm signal no. 1 sa mga sumusunod na lugar:

Visayas

• Northern Samar
• Eastern Samar
• Samar
• Biliran
• Leyte
• Southern Leyte
• Bohol
• Cebu
• Siquijor
• Negros Oriental
• Negros Occidental
• Guimaras
• Iloilo
• Capiz
• Aklan
• at Antique

Mindanao

• Dinagat Islands
• Surigao del Norte
• Surigao del Sur
• Agusan del Norte
• Agusan del Sur
• Misamis Oriental
• at Camiguin