Welcome, Kapamilya! We use cookies to improve your browsing experience. Continuing to use this site means you agree to our use of cookies. Tell me more!
Ilang bahay apektado ng pagbaha, pagguho ng lupa sa Camarines Sur
Ilang bahay apektado ng pagbaha, pagguho ng lupa sa Camarines Sur
Mylce Mella at Rizza Mostar,
ABS-CBN News
Published Nov 14, 2019 03:49 PM PHT
|
Updated Nov 14, 2019 07:30 PM PHT
Naiahon ng mga residente ang kanilang mga alagang hayop at ilang kagamitan matapos na tumaas ang tubig sa kanilang lugar sa Barangay Batang Pamplona sa Camarines Sur, dulot ng bagyong Ramon. Rizza Mostar, ABS-CBN News
Ilang mga bahay ang binaha at naapektuhan ng pagguho ng lupa dahil sa walang tigil na pag-uulan sanhi ng bagyong Ramon, Huwebes ng hapon.
Ang patuloy na pagbuhos ng ulan ang naging dahilan na rin para kanselahin ang pasok sa lahat ng antas ngayong araw.
Sa monitoring ng Provincial Disaster Risk Reduction and Management Council Camarines Sur, ilang kabahayan sa probinsya ang naapektuhan ng pagbabaha at pagguho ng lupa.
Binaha rin ang komunidad ng Barnagay Sta. Maria sa Lagonoy, Camarines Sur. Larawan mula kay Ryan Caballero
Sa retratong kuha ni Barangay Kagawad Ryan Caballero, makikita ang pagtaas ng lebel ng tubig mula sa ilog ng Zone 6, Barangay Sta. Maria, Lagonoy, Camarines Sur.
ADVERTISEMENT
Pitong bahay sa lugar ang binaha. Ilan sa mga alagang hayop ng mga residente tulad ng mga baboy ang iniakyat na sa kalsada.
Dalawang bahay ang nasira matapos na gumuho ang lupa sa Barangay Maranao, Tinambac, Camarines Sur dahil sa bagyong Ramon. Larawan mula Tinambac, Camarines Sur Municipal Police Station
Sa Barangay Mananao, Tinambac, Camarines Sur, 2 bahay rin ang nasira matapos gumuho ang lupa.
Wala namang naitala na nasaktan sa pangyayari.
Hindi naman nakalikas pa ang mga residente ng Barangay Batang Pamplona nang biglang tumaas ang tubig nitong Miyerkoles ng gabi.
May ilang mga gamit at alagang hayop naman silang naisalba.
ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.
Our website is made possible by displaying online
advertisements to our visitors. Please consider supporting
us by disabling your ad blocker on our website.
Our website is made possible by displaying online
advertisements to our visitors. Please consider supporting
us by disabling your ad blocker on our website.
