Watch more in iWantv or TFC.tv

MAYNILA - Huli ang dinatnan ng isang drayber ng motorcycle riding app "Angkas" nang ibaba niya sa Taguig si Atty. Aileen Lizada, board member ng Land Transportation Franchising and Regulatory Board.

Mismong si Lozada ang nag-book at sumakay gamit ang "Angkas" bilang bahagi ng operasyon ng LTFRB ngayong araw kontra sa mga "habal-habal" o kolorum na motorsiklo.

Mismong si LTFRB Board Member Atty. Aileen Lizada ang nagpa-book at sumakay sa isang nahuling Angkas sa Taguig bilang bahagi ng operasyon laban sa colorum at habal-habal @DZMMTeleRadyo pic.twitter.com/5r2SI0d7zH

— Zhander Cayabyab (@zhandercayabyab) November 9, 2017

Nag-book ng habal-habal si Lizada sa McKinley Hill sa Taguig at nagpahatid sa 5th Avenue sa Bonifacio Global City, kung saan hinuli ang nagmamaneho nito.

Mariing paalala ni Lizada, walang prangkisa ang "Angkas" kaya itinuring itong kolorum o ilegal. Kasamang ng LTFRB ang Land Transportation Office at Highway Patrol Group sa panghuhuli.

LTFRB: Colorum ang Angkas @DZMMTeleRadyo pic.twitter.com/q6M4cqhYuL

— Zhander Cayabyab (@zhandercayabyab) November 9, 2017

Aabot sa P6,000 ang multa sa mga mahuhuling nagmamaneho o nag-ooperate ng habal-habal.--ulat ni Radyo Patrol 49 Zhander Cayabyab, ABS-CBN News