Nasawi ang isang 7-anyos na batang lalaki nang matuklaw ito ng ahas habang natutulog sa loob ng kanilang bahay sa Barangay Sta. Lucia, Nagcarlan, Laguna nitong Sabado.

Ayon kay Jennifer Villa, ina ng biktima, nadiskubre niya ang insidente dakong alas-6 ng umaga habang ginigising nito ang anak niyang si Neo Andi Daño.

Nabigla umano ito nang makitang tila may mga tuklaw ng makamandag na ahas ang anak.

Agad isinugod ang bata sa Nagcarlan District hospital subalit idineklara na itong dead on arrival ng doktor.

Base sa pagsusuri, nagtamo ng pitong tuklaw ng cobra ang bata sa kaniyang mukha, braso, at sa kaniyang binti na dahilan upang agad itong bawian ng buhay sa kaniyang higaan.

Napatay naman ng mga tumulong na kapitbahay ang cobra matapos makita itong nagsisiksik sa ilalim ng refrigerator.

Ito na ang ikalawang batang natutuklaw ng cobra sa nasabing barangay na siyang ikinababahala na ng mga residente.

- ulat ni Ronilo Dagos

KAUGNAY NA VIDEO

Watch more News on iWantTFC