Nasagip sa Samar ang isang mangingisda matapos tumaob ang kaniyang sinasakyang bangka sa karagatan ng Abuyog sa Leyte nitong Lunes.

Ayon sa PDRRMO Leyte, tumaob ang bangka ni Mario Caytana, 55, matapos hampasin ito ng malakas na alon habang nasa kalagitnaan ng karagatan ng Abuyog.

Nakahingi ng tulong ang mangingisda sa pamamagitan sa pagtawag sa Coast Guard.

Martes nang mailigtas ang mangingisda sa dagat sa bayan ng Marabut sa Samar.

Nakauwi na sa kanilang bahay sa bayan ng Matalom sa Leyte ang mangingisda.