Ilang kalsada sa Ambaguio sa Nueva Vizcaya, apektado ng pagguho ng lupa

ABS-CBN News

Posted at Oct 30 2020 01:09 AM

MAYNILA - Nakapagtala ng ilang pagguho ng lupa mula sa bundok sa ilang bahagi ng bayan ng Ambaguio sa Nueva Vizcaya nitong Huwebes.

Sa impormasyon mula sa Municipal Disaster Risk Reduction and Management Office ng bayan ng Ambaguio, hindi na umano maaaring madaanan ang kalsada sa pagitan ng Lower Ammoweg at Cablahan dahil sa pagguho ng lupa bunsod ng malakas na pag-ulan sa lugar.

 

Hindi na rin madaraanan ang kalsada sa pagitan ng Ammoweg at Camandag dahil rin sa landslide.

 

Nagkaroon rin ng pagguho ng lupa sa bahagi ng Awa Section sa Wangwang-Poblacion road.

 

- ulat ni Harris Julio
 

Bisitahin ang Patrol.PH para sa iba pang mga balita.