Welcome, Kapamilya! We use cookies to improve your browsing experience. Continuing to use this site means you agree to our use of cookies. Tell me more!
Tinupok ng apoy ang isang sasakyan habang binabagtas Yumang Street sa Barangay City Heights sa General Santos City nitong Lunes ng umaga. Francis Canlas, ABS-CBN News
GENERAL SANTOS CITY - Ligtas ang 4 na pasahero ng isang SUV na nagliyab habang binabagtas ang Yumang Street sa Barangay City Heights sa lungsod na ito nitong Lunes ng umaga.
Ayon sa ilang nakakita, nagmula ang apoy sa driver's seat. Nakalabas naman ang 4 na pasahero bago pa man kumalat ang apoy.
Mabilis namang nakarating ang mga bumbero at naapula ang liyab, ngunit naabo pa rin ito.
Ayon kay FO3 Macacuna Tomambiling, isang fire and arson investigator, alas-7:15 nang magsimula ang apoy.
ADVERTISEMENT
Tumangging magbigay ng pahayag sa media ang may-ari ng sasakyan na kinilala bilang si Allan Mark Zeta.
Ayon sa imbestigasyon, bigla umanong tumirik ang sasakyan at may lumabas na usok sa manibela. Nang mapansin ito ng mga pasahero, agad silang lumabas.
Tinitingnan ngayon na posibleng problema sa electrical wiring ang naging sanhi ng sunog.
Tinatayang nasa P150,000 ang halaga ng danyos ng sunod.
Paalala naman ng Bureau of Fire Protection na ugaliing ipasuri ang sasakyan at siguruhing nasa maayos itong kondisyon bago bumiyahe ngayong paggunita ng Undas.
ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.
Our website is made possible by displaying online
advertisements to our visitors. Please consider supporting
us by disabling your ad blocker on our website.
Our website is made possible by displaying online
advertisements to our visitors. Please consider supporting
us by disabling your ad blocker on our website.
