isolated ang mga barangay afusing batu, damurog at pagbangkeruan sa Alcala,Cagayan dahil sa pag-apaw ng Cagayan river pic.twitter.com/mwXBkoq42A

— Dennis Cabral Datu (@Dennis_Datu) October 21, 2016

CAGAYAN – Tatlong barangay sa bayan ng Alcala sa lalawigan ng Cagayan ang nagmistulang mga isla matapos na umapaw ang Cagayan River bunsod ng bagyong "Lawin".

Hindi pa rin maabot ang mga barangay ng Afusing Bato, Pagbankeruan at Damurog Sabado ng umaga, at dahil sa pag-apaw ng tubig, ang mga residente doon ay hindi rin makaalis para bumili ng pagkain.

Relief goods naihatid na sa isolated na Bgy.Afusing Batu,Alcala,Cagayan pic.twitter.com/wbaN5PZndr

— Dennis Cabral Datu (@Dennis_Datu) October 21, 2016

Nakapaghatid naman ng relief goods ang lokal na pamahalaan sa mga apektadong residente na hindi makalabas ng kani-kanilang mga bahay dahil sa malakas na agos ng tubig.

Sa Afusing Bato, may mga 118 pamilya na apektado ng paglaki ng tubig, habang 269 naman ang apektado sa Damurog, at 127 sa Pagbankeruan.

DZMM Radyo Patrol,sumama sa paghahatid ng relief goods sa isolated na Brgy.Afusing Batu,Alcala,Cagayan pic.twitter.com/OrNLqRUzIq

— Dennis Cabral Datu (@Dennis_Datu) October 21, 2016

Ayon naman kay Mayor Criselda Antonio, nangangailangan pa ang kanilang mga residente ng karagdagang ayuda.

"Nanawagan kami for relief kasi in terms of damages we could say nasa 60-70 percent ang damages sa buong munisipyo namin," sabi ni Antonio.