Watch more in iWantv or TFC.tv

MAYNILA (UPDATE) — Imbes na taimtim na seremonya, isang tensyonadong eksena ang nangyari sa libing ni baby River—ang anak ng aktibista at political prisoner na si Reina Mae Nasino—sa Manila North Cemetery nitong Biyenes.

Sa mga retrato at video ng libing na nakuha ng ABS-CBN News, kita ang maraming jail guards ng Bureau of Jail Management and Penology na naka-camouflage at may mga armas pa na pinalilibutan ang kabaong ni Baby River.

Maaalalang sinabi ng pamilya Nasino at kanilang mga abogado na gusto nilang maging "pribado" sana ang paghimlay kay River, taliwas sa anila'y "overkill" at mala-batalyong bilang ng awtoridad na nagbantay sa lamay noong Miyerkoles.

Watch more in iWantv or TFC.tv

• 'Overkill, very cruel': Lawyers condemn ill treatment of jailed activist whose baby died

Situation now inside the Manila North Cemetery from where I'm standing: Reina Mae Nasino, mother Marites Asis pay last respects to baby River. Karapatan says Nasino's lawyers begged BJMP officers to remove Nasino's handcuffs. They refused. pic.twitter.com/bDxp69U9Eh

— Mike Navallo (@mikenavallo) October 16, 2020

Ayon sa grupong Karapatan, na may kinatawan na kasama sa libing, nagmakaawa ang ina ni Nasino para tanggalin ang posas nito sa gitna ng libing pero hindi ito pinagbigyan.

Still in handcuffs, Reina Mae Nasino could only extend her index fingers to touch the casket of baby River. It’s a struggle for Reina Mae, wearing a full PPE suit in the middle of the afternoon heat, to wipe her tears or even drink water. pic.twitter.com/WqkTFkKyGc

— Mike Navallo (@mikenavallo) October 16, 2020

Sa ilang retrato, kitang nahihirapan si Nasino sa pagpunas ng kaniyang luha dahil bukod sa posas ay nakasuot pa ito ng full PPE.

Mourners for baby River now singing Bayan Ko pic.twitter.com/U5FRaOSGLC

— Mike Navallo (@mikenavallo) October 16, 2020

Sa huli ay umawit ang mga nakikipaglibing ng "Bayan Ko."

Maaalalang imbes na 3 sunod-sunod na araw ang furlough o pansamantalang paglabas sa kulungan ni Nasino, iniksian ito ng korte sa 6 na oras sa 2 araw dahil sa hiling ng Manila City Jail.

• 'Walang puso, torture': Pinaikling dalaw ng aktibista sa burol ng baby iprinotesta

Nobyembre 2019 nang mahuli si Nasino sa Tondo, Maynila— bahagi ng umano'y crackdown sa mga makakaliwa. Kinasuhan siya ng illegal possession of firearms and explosives.

Hanggang ngayon, iginigiit ni Nasino na inosente siya.