40 pamilya nawalan ng tirahan sa sunog sa QC

ABS-CBN News

Posted at Oct 08 2019 04:29 AM | Updated as of Oct 08 2019 06:57 PM

MAYNILA —Nawalan ng tirahan ang higit 40 pamilya sa sunog sa Barangay San Martin de Porres, Quezon City Martes ng hatinggabi.

Ayon sa Bureau of Fire Protection (BFP), nagsimula ang apoy alas-12:23 at umabot sa ikatlong alarma ang insidente.

Watch more in iWant or TFC.tv

Tuluyang naapula ang sunog pasado alas-2 ng madaling-araw.

Nasa 20 bahay ang natupok.

Lyza Aquino, ABS-CBN News

Watch more in iWant or TFC.tv

Base sa inisyal na imbestigasyon, sumiklab ang sunog sa isang bahay na gumagamit umano ng kandila.

Wala namang nasaktan sa insidente. Aabot sa P50,000 ang danyos ng sunog.

Ayon kay San Martin De Porres barangay chairman Mervin Viray, pansamantala munang manunuluyan sa barangay hall ang mga apektadong pamilya.—Ulat ni Lyza Aquino, ABS-CBN News

Bisitahin ang Patrol.PH para sa iba pang mga balita.