Watch more in iWantv or TFC.tv

MAYNILA - Gagamit ng e-jeepneys ang 35 public schools sa Imus City, Cavite para mamahagi ng mga printed learning modules na kailangan ng kanilang mga estudyante sa darating na pasukan.

Ilang araw bago ang muling pagbubukas ng mga klase sa pampublikong paaralan sa buong bansa sa Oktubre 5, itinurn-over ng lokal na pamahalaan ang mga e-jeep sa mga kinatawan ng mga paaralan.

Bahagi rin ito ng green initiative ng Imus.

LOOK: These e-jeepneys will be used by public schools in Imus, Cavite to distribute learning modules to homes in the city.

(📸: DepEd) pic.twitter.com/Z13ECnEhWP

— Anjo Bagaoisan (ᜀᜈ᜔ᜇᜒᜌᜓ ᜊᜄᜏᜒᜐᜈ᜔) (@anjo_bagaoisan) October 1, 2020

Kasama ang mga printed modules sa blended learning system na ipatutupad sa lungsod sa gitna ng patuloy na COVID-19 pandemic.

Nagtulungan din ang lokal na pamahalaan at pribadong kompanya sa pagtatayo ng mga internet access point at router sa mga residential area para makasama ang mga mag-aaral sa e-learning program.

Nagtayo rin ng kooperatiba para makabili ang mga pamilya ng gadget para sa distance learning na mababayaran sa loob ng 5 buwan.

Nagpamigay din ng tig-5 desktop computer sa bawat eskuwelahan at 70 laptop para sa mga principal at department head.

Nasa P26 milyon ang inilaan na pondo ng lokal na pamahalaan sa proyekto na pansuporta sa learning continuity plan para sa mga klase ngayong panahon ng COVID-19 pandemic.