#WalangPasok dahil kay Ompong

Suspendido pa rin ang klase sa lahat ng antas sa mga bayan ng Itogon at Kabayan sa Benguet, at Calumpit sa Bulacan nitong darating na Biyernes dahil sa pinsalang dulot ng bagyong Ompong.

Aabot na sa 88 ang naitalang nasawi sa magkakahiwalay na pagguho ng lupa buhat ng nagdaang bagyo sa bayan ng Itogon.

• Digging continues as Ompong landslides toll rises

#WalangPasok dahil sa mga protesta

Wala namang pasok sa lahat ng antas ng paaralan sa lungsod ng Maynila dahil sa posibleng malawakang protesta kasabay ng paggunita sa Batas Militar, ayon kay Manila Mayor Joseph Estrada.

Ayon sa impormasyong natanggap ng lokal na pulisya, magaganap ang mga protesta kasabay ng paggunita ng ika-46 na taon mula nang isailalim ni dating Pangulong Ferdinand Marcos ang buong bansa sa batas militar.

• 4,000 cops to be deployed for Martial Law anniversary protests

#WalangPasok dahil sa landslide

Sinuspinde ng lokal na pamahalaan ng Naga City, Cebu ang klase sa lahat ng antas dahil sa nangyaring landslide nitong Huwebes na ikinasawi ng hindi bababa sa 10 katao, habang nasa 60 katao pa rin ang nawawala.

• Di bababa sa 10 patay sa Cebu landslide

- kasama ang ulat ni Johnson Manabat, ABS-CBN News