PatrolPH

100 pamilya apektado ng sunog sa Quezon City

Zyann Ambrosio, ABS-CBN News

Posted at Sep 05 2022 04:33 PM | Updated as of Sep 05 2022 07:13 PM

Watch more News on iWantTFC

Nasa 100 pamilya ang nawalan ng tirahan sa sunog na tumama ngayong Lunes sa Barangay Baesa, Quezon City, sabi ng Bureau of Fire Protection (BFP).

Bandang alas-10 ng umaga nang sumiklab ang sunog, na idineklarang fire out alas-12:43 ng tanghali, ayon kay Fire Inspector Renato Esguerra.

Katuwang ng mga bombero ang mga residente sa mano-manong pag-apula ng apoy gamit ang mga timba.

Iginiit naman ni Esguerra na hindi naubusan ng tubig ang kanilang firetruck.

Pansamantalang tumutuloy sa isang covered court ang mga nasunugan.

Wala namang naiulat na sugatan sa mga apektadong residente.

Electrical ang tinitingnan sanhi ng sunog.

Bisitahin ang Patrol.PH para sa iba pang mga balita.