Watch more in iWantv or TFC.tv

MAYNILA—Sinagip ng mga pulis sa Pasay City ang 2 magkarelasyong Chinese na sinasabing dinukot ng kapwa Chinese para mahuthutan umano ng pantubos.

Inaresto sa entrapment sa isang paradahan sa Barangay 13 Miyerkoles ng gabi ang 2 Chinese at isang Pinoy na sangkot sa umano’y pangingidnap.

Pinababa sila ng van matapos abutan ng pera ang isa sa kanila.

• 9 katao sangkot sa pag-kidnap ng Chinese national, arestado

Police arrested 2 Chinese POGO workers & a Filipino bodyguard in Pasay City for allegedly kidnapping a Chinese man & woman for ransom. pic.twitter.com/uR6BvwSds4

— Anjo Bagaoisan (@anjo_bagaoisan) August 25, 2021

• 7 Chinese, Filipino arrested for murder, kidnap for ransom in Laguna

Pero kuwento ni Pasay Police chief Col. Cesar Paday-os, pangalawang grupo na ito na kumidnap sa 2 biktimang Chinese na kapwa 38-anyos at taga-Makati.

Kuwento ng mga biktima, nag-a-apply umano sila ng trabaho sa isang nagpakilalang employer sa Las Piñas.

Pero nang mamasukan na sila roon noong weekend, tinutukan daw sila ng baril at ikinulong ng 3 araw sa isang bahay.

Pinagbayad umano ng 1.5 million Chinese yuan o mahigit P11 milyon sa pamamagitan ng electronic transfer ang mga kamag-anak ng mga biktima sa China.

The 3 were entrapped in an operation after demanding P400,000 in exchange for the victims.

Police said the victims were sold to the suspects by a group that detained them in Las Piñas & asked for ransom of over P11-M in yuan from relatives in China.

📸:Pasay Police pic.twitter.com/PZjaxdz8a2

— Anjo Bagaoisan (@anjo_bagaoisan) August 25, 2021

Pero nang makuha ang pera, ibinenta nila ang 2 Chinese sa grupo ng mga suspek.

Humingi naman umano ang grupo ng P400,000 para pakawalan sila.

Dito na nagpatulong sa pulis ang isang Pinoy, 33, na inatasang mag-abot ng ransom.

Nagtatrabaho umano sa Philippine Offshore Gaming Operations (POGO) ang 2 Chinese habang nagpakilalang bodyguard ang Pinoy.

Tumanggi silang magbigay ng pahayag sa ABS-CBN News.

Nahaharap ang mga suspek sa kasong kidnapping with ransom.

May pinaghahanap pa ang pulis na 2 persons of interest na tumakas noong entrapment operation.