PatrolPH

Nawawalang dalagitang biker, natagpuang patay sa Bulacan

Anna Cerezo, ABS-CBN News

Posted at Aug 15 2022 07:15 PM

Natagpuang patay ang isang dalagitang biker sa madamong lugar sa kahabaan ng bypass road sa Barangay Bonga Menor, sa Bustos sa Bulacan noong Biyernes, Agosto 12.

Base imbestigasyon ng Bulacan Police, kinilala ng ama nito ang bangkay bilang ang kaniyang 15 anyos na anak.

Ayon sa ilang kaibigan, masugid na biker ang biktima at kilala siya sa mga grupo ng nagbibisikleta.

Napaulat na nawawala ang dalagita noong Agosto 9 matapos itong umalis sa kanilang tahanan.

Ayon sa pulis, nakasubsob ang mukha ng biktima sa damuhan at may mga paso ng sigarilyo sa katawan.

Dinala na ang labi ng biktima sa bahay nila sa Navotas City.

Patuloy nagsasagawa ang nga otoridad ng follow-up operation para sa pagkakakilanlan at pag-aresto sa mga salarin.

Tumangi naman magbigay ng panayam ang pamilya habang iniimbestigahan pa ang incidente.

Bisitahin ang Patrol.PH para sa iba pang mga balita.