MAYNILA - Ilang tao ang napaulat na sugatan nang gumuho ang isang pader at bumagsak sa mga bahay sa Oroqueta Street sa Maynila, Sabado ng umaga.

Sa inisyal na ulat, tumungo na ang rescue team sa Maynila upang sagipin ang ilang residente na naipit pa umano sa guho.

TINGNAN: Ilang bahay na gumuho sa Oroquieta St. Sta Cruz, Maynila | via @zhandercayabyab pic.twitter.com/U3tGsnEVwV

— DZMM TeleRadyo (@DZMMTeleRadyo) August 13, 2016

TINGNAN: Pader na bumagsak sa mga bahay sa Oroquieta St., Sta. Cruz, Maynila pic.twitter.com/o665dQBhKk | via @zhandercayabyab

— DZMM TeleRadyo (@DZMMTeleRadyo) August 13, 2016

Gumuho umano ang firewall na humahati sa Barangay 310 at 312 sa kasagsagan ng malakas na ulan, na siya ring bumagsak sa mga barong-barong na malapit dito.

"Akala namin lumindol lang, 'yun pala nalaman namin may sumisigaw na humihingi ng tulong," ani Niño Coroña, isa sa mga residenteng nakalabas sa guho.

Napag-alamang nasa likod lang ng Manila City Jail ang gumuhong firewall.

Patuloy ang pagtataya ng mga awtoridad kung ilan ang nasugatan sa insidente. --Ulat ni Zhander Cayabyab, DZMM