Construction worker, nahulihan ng hinihinalang shabu matapos masita sa checkpoint sa Taguig dahil walang suot na face mask (📸: SPD) pic.twitter.com/jKTqsHMcmW

— Anjo Bagaoisan (ᜀᜈ᜔ᜇᜒᜌᜓ ᜊᜄᜏᜒᜐᜈ᜔) (@anjo_bagaoisan) August 4, 2020

MAYNILA - Kalaboso ang isang construction worker nang mahulihan ng hinihinalang shabu sa isang border checkpoint sa Taguig City nitong Martes ng hapon.

Sa ulat ng Southern Police District, nasita dahil walang face mask ang 40-anyos na lalaking si "Randy" nang dumaan siya sa checkpoint ng mga pulis sa pagitan ng Barangay Bagumbayan at Sucat.

Nang kapkapan siya, nakita ang 4 na sachet ng hinihinalang shabu.

Bukod sa paglabag sa Comprehensive Dangerous Drugs Act, nahaharap din si Randy sa kasong paglabag sa notifiable diseases law.

Isa ang checkpoint sa Sucat-Bagumbayan border sa mga itinayo bilang paraan ng pagpapatupad ng modified enhanced community quarantine (MECQ) na tatagal hanggang Agosto 18 sa Metro Manila, Bulacan, Rizal at iba pang lugar.