Watch more in iWantv or TFC.tv

MAYNILA - Inilunsad na ngayong Biyernes ang ABS-CBN News App, na layong pabilisin at padaliin ang pagtanggap ng balita ng publiko sa pamamagitan ng smartphone.

Narito ang ilang features ng app na maghahatid ng ginhawa sa mga sumusubaybay sa balita:

• News Alert
Bibigyan ang user ng notification o abiso ukol sa mga importanteng malalaking balita kahit pa nakasara ang ABS-CBN News App sa smartphone.

• DZMM 630 streaming
Maaaring mapakinggan nang tuloy-tuloy ang DZMM sa pamamagitan ng audio streaming feature ng app.

• Personalized feed
Kung ayaw ng masyadong maraming impormasyon, maaaring piliin ng user ang mga topics na nais niyang makita sa kaniyang app - at tungkol lang doon ang balitang matatanggap niya.

Kung hindi naka-log in sa app, maaaring pumili ng tatlong topic na susundan. Kung naka-sign in maaaring pumili ng 13 topics.

Email address at password lang ang kailangan para makagawa ng user account at makapag-sign in sa app.

• Saved articles

Kapag naka-sign in na, maaaring mag-save ng mga ulat ang user para basahin ang mga ito kung kailan niya gusto.

Maaaring i-download ang app sa Google Play Store o kaya sa Apple Store.