MAYNILA — Pumanaw na si Edgardo Allan Tolosa, isa sa mga namuno sa kauna-unahang Pride March sa Asya at Pilipinas, dahil sa problema sa puso.

Ayon kay Ronnie Tolosa, namaalam ang kanyang kapatid 8:30 ng umaga noong Lunes. Aniya, matagal nang may problema sa puso si Allan at palagi nitong sinusugod sa ospital.

"Kausap ko pa siya ng umaga eh ayaw na niyang magpadala sa ospital, nakahiga na lang siya. Tapos nagkausap pa kami ng 6:00 ng umaga huwag ko raw siyang iwan," ani Tolosa sa ABS-CBN News.

"Sayang nga, tuloy-tuloy lang ang kanyang pinaglalaban, kaya lang 'di niya nalabanan ang kayang sakit," dagdag pa niya.

Kwento ni Tolosa, simula pa noong 1970s, aktibo na sa pagkilos si Allan at nakikita na niya ito sa TV bilang miyembro ng ProGay Philippines.

"Panganay namin 'yan. ... Hilig niya talaga, may prinsipyo 'yan. Lumaki kami, simula noong elementary ganoon na siya hanggang sa ngayon," dagdag pa niya.

Today, we mourn the passing of Edgardo Allan Tolosa, one of the founders of ProGay Philippines.

In 1994, they shocked the world by leading the very first Pride March in Asia and the Philippines—amidst threats of police brutality.

PINAKAMATAAS NA PAGPUPUGAY, INANG ALLAN! ✊🏼🌈 pic.twitter.com/9Nl4vJeG88

— Bahaghari #JunkTerrorLaw (@Bahaghari_Natl) July 27, 2020

Ayon sa LGBT group na Bahaghari, si Allan ang isa sa mga founder ng ProGay Philippines na isa sa unang naglunsad ng Pride March noong 1994.

Nagpapatuloy pa rin ang diwa ng Pride March sa online man at sa lansangan ngayong taon sa kabila ng kinakaharap na coronavirus disease (COVID-19) pandemic.

• Metro Manila Pride 2020 to go online amid coronavirus pandemic
• 20 aktibistang hinuli sa Pride March sa Maynila, nakalaya na