SHARIFF AGUAK, Maguindanao — Patay ang isang barangay treasurer sa bayan na ito noong Martes ng umaga matapos siyang pagbabarilin ng hindi pa nakikilalang salarin.

Ayon sa ulat ng Police Regional Office ng Bangsamoro Autonomous Region in Muslim Mindanao (BARMM), kinilala ang biktima na si Mahadir Simpal na barangay treasurer ng Barangay Malingao.

Base sa imbestigasyon, naganap ang pamamaril sa tapat ng isang botika sa Barangay Poblacion, Mother ng Bayan.

Nagtamo ng mga tama ng bala sa katawan ang biktima na agad dinala sa ospital pero idineklarang dead on arrival, ayon sa report.

Sa ngayon ay nagpapatuloy pa ang imbestigasyon ng pulisya para matukoy ang motibo at mga taong sangkot sa krimen. —Ulat ni Arianne Apatan, ABS-CBN News