Ilabas ang bangka: 'Gorio,' habagat nagpabaha sa Metro Manila | ABS-CBN

ADVERTISEMENT

dpo-dps-seal
Welcome, Kapamilya! We use cookies to improve your browsing experience. Continuing to use this site means you agree to our use of cookies. Tell me more!

Ilabas ang bangka: 'Gorio,' habagat nagpabaha sa Metro Manila

Ilabas ang bangka: 'Gorio,' habagat nagpabaha sa Metro Manila

ABS-CBN News

Clipboard

MAYNILA - Lubog sa baha ang ilang kalye sa Metro Manila at mga karatig probinsya dahil sa tuloy-tuloy na ulang dala ng pinagsamang habagat at bagyong Gorio, Huwebes ng umaga.

Sa isang kalye sa Roxas District sa Quezon City, gumagamit na ng bangka ang mga residenteng gustong umalis sa lugar dahil sa abot-dibdib na baha.

Ganito rin ang sitwasyon sa A. Fernando Street sa Valenzuela City, kung saan pinagbigkis-bigkis na dram ang ginawang bangka ng mga residente. May rescue team na ring umantabay sa lugar.

May ginang pang 8 buwang buntis pang isinakay sa "improvised" na bangka para lang ito ay makalikas.

ADVERTISEMENT

Sa Riverside Street naman sa Potrero, Malabon, ginawang swimming pool ng ilang bata ang abot-dibdib na baha kahit pa maraming basurang lumulutang-lutang.

May mga bata ring nagtatampisaw sa baha sa West Riverside, Barangay Del Monte, Quezon City, at sa Rizal Avenue sa Maynila.

Samantala, baha na rin sa España Boulevard sa Maynila, mula sa Quintos hanggang Antipolo Street, gayundin hirap nang dumaan ang ilang sasakyan sa Dela Fuente Street.

Pinasok naman ng baha ang Masambong Elementary School sa Quezon City.

Nagbahagi rin ng mga larawan ng baha sa kani-kanilang lugar ang Bayan Patrollers mula Bulacan, Caloocan, Malabon, Antipolo hanggang Parañaque.

Baha sa Metro Manila at karatig probinsiya.

Bayan Mo, I-Patrol Mo

Baha sa Metro Manila at karatig probinsiya.

Bayan Mo, I-Patrol Mo

Baha sa Metro Manila at karatig probinsiya.

Bayan Mo, I-Patrol Mo

Baha sa Metro Manila at karatig probinsiya.

Bayan Mo, I-Patrol Mo

Baha sa Metro Manila at karatig probinsiya.

Bayan Mo, I-Patrol Mo

Baha sa Metro Manila at karatig probinsiya.

Bayan Mo, I-Patrol Mo

Baha sa Metro Manila at karatig probinsiya.

Bayan Mo, I-Patrol Mo

Una nang sinabi ng PAGASA na patuloy na pinalalakas ng bagyong Gorio ang habagat.

Kanselado na ang klase sa Metro Manila, gayundin sa mga karatig probinsiya, ngayong Huwebes. Narito ang buong listahan.

Sinuspende na rin ng Malakanyang ang trabaho sa mga opisina ng gobyerno ngayong araw dahil sa masamang panahon

ADVERTISEMENT

ADVERTISEMENT

It looks like you’re using an ad blocker

Our website is made possible by displaying online advertisements to our visitors. Please consider supporting us by disabling your ad blocker on our website.

Our website is made possible by displaying online advertisements to our visitors. Please consider supporting us by disabling your ad blocker on our website.