4 miyembro ng 'budol-budol gang', kabilang 2 senior citizen, tiklo sa Bulacan

Arra Perez, ABS-CBN News

Posted at Jul 17 2020 10:25 PM

MAYNILA - Apat na umano'y miyembro ng "budol-budol gang" ang naaresto sa Brgy. Tibagan sa Bustos, Bulacan Biyernes ng hapon matapos ang isang linggong pagmamanman sa kanila ng mga awtoridad.

Kabilang sa mga suspek ay dalawang senior citizen at dalawa nilang kasamang edad 50-anyos pataas.

Sa ulat ni Police Capt. Rolando Guzman, officer-in-charge ng Bustos Municipal Police Station, modus ng mga suspek ang gumamit ng pekeng 100 US dollar bills sa pagbili ng frozen goods, karaniwan karneng manok.

Kwento naman ng mga biktima sa pulisya, tila ginamitan sila ng hypnotismo ng mga suspek.

Ayon kay Guzman, posibleng miyembro ng sindikato ang mga suspek, na mahaharap sa kasong estafa.

Bisitahin ang Patrol.PH para sa iba pang mga balita.