STO. THOMAS, Davao del Norte -- Patay ang isang kagawad sa Barangay San Jose nang barilin ng hindi pa nakikilalang salarin nitong Sabado ng umaga.

Ayon sa mga pulis, pauwi sana ng bahay si Kagawad Jeramie Dinolan, 38, sakay ng kanyang motorsiklo nang barilin sa bahagi ng Barangay Katipunan.

Nagtamo ang biktima ng tama ng bala sa kanyang dibdib na kanyang agad na ikinamatay. Narekober ng mga awtoridad sa crime scene ang isang fired cartridge ng kalibre .45 na pistola.

Inaalam pa ng mga awtoridad ang motibo sa pagpaslang sa biktima.