Watch more in iWantv or TFC.tv

MAYNILA (UPDATE) - Tinututukan ng mga awtoridad ang Lambda variant o C.37 variant ng coronavirus disease (COVID-19) na sa ngayon ay "variant of interest" pa lang.

Ang nasabing variant ay dominant sa bansang Peru, ayon kay Department of Health spokesperson Undersecretary Maria Rosario Vergeire.

"The C.37 or the Lambda variant is a variant of interest (VOI) that has become the dominant variant in Peru and has been detected in about 30 countries primarily in Latin America," ani Vergeire.

• Authorities monitoring Lambda mutation, a ‘variant of interest’, PH health official says

Ang Lambda variant ay na-detect umano sa halos 80 porsiyento ng mga kaso ng COVID-19 sa bansang Peru - na lugar na nagtala ng pinakamaraming namatay dahil sa virus. Unang nakumpirma ang Lambda variant noong 2020 sa Peru pero nitong Hunyo lamang kumalat ito sa 20 bansa.

Ayon kay Vergeire, halos kapareho ng Lambda variant ang Delta variant, pero may naiiba itong amino acid sequence.

"It contains a number of mutations in the spike region, including the L452Q mutation in the same region as the L452R mutation of the Delta variant," dagdag niya.

• DOH reports 2 new cases of Delta COVID-19 variant in PH

Ayon naman sa dating adviser ng National Task Force Against COVID-19 na si Dr. Tony Leachon, may posibilidad na maging mas mabagsik ang nasabing variant.

"It has the tremendous possibility to attack and infect human cells, particularly the lungs," ani Dr. Tony Leachon, dating adviser ng National Task Force Against COVID-19.

Dagdag pa niya: "It might dodge the antibodies created by the vaccines. It may actually be more dangerous because of the L425Q spike protein."

May mga ulat na mas nakamamatay ang Lambda variant pero hindi pa umano ito pinal. Wala pa umanong ebidensiyang mas nakakamatay ito kumpara sa ibang variants of concern at variants of interest, ayon sa mga awtoridad.

Ayon sa World Health Organization, pinag-aaralan pa ang transmissibility rate ng Lambda variant o kung gaano kabilis na kayang kumalat ng virus sa isang lugar kaya hindi pa nila masasabing variant of concern ito.

"If we see that the virus is more transmissible, causing more severe disease or is resistant or resilient to the currently available vaccines, then we would decide to call it a variant of concern," ani WHO Representative to the Philippines Dr. Rabindra Abeyasinghe.

Ayon kay Vergeire, mahigit 7,000 samples na ang na-sequence sa bansa at wala pang nade-detect na Lambda variant.

"Rest assured that this variant is continuously being monitored by our experts. Currently, there is no evidence that it is more deadly compared to other VOIs or VOCs. Moreover, of the 7,000+ samples sequenced locally, we still have not detected the Lambda variant," ani Vergeire.

Sabi naman sa TeleRadyo ni Department of Science and Technology Vaccine Expert Panel Head Dr. Nina Gloriani, patuloy pa itong pinag-aaralan dahil sa mabilis na pagdami ng mga kaso lalo na sa Latin America.

Ayon kay Gloriani, lumalabas sa pag-aaral na mababa ang tsansang mahawa ang mga fully-vaccinated kontra COVID-19.

"Ang importanteng malaman natin diyan, hindi dadami ang mutations at variants kung nakokontrol ang transmission. Ang Latin America ay isa sa may mataas talagang kaso ng COVID," ani Gloriani.

"Kailangan talaga ang immunization. Pero importante ding masugpo ang transmission. 'Yung minimum health standards natin, kasama lahat yan," dagdag niya.

Sinabi naman ni Health Secretary Francisco Duque III na paiigtingin ang pa ang border control bilang pagbabantay kontra dito.

"Patuloy na paiigtingin ang ating border contol para makasiguro na hindi ito makalusot," ani Duque.

-- May mga ulat ni Katrina Domingo, ABS-CBN News