PatrolPH

3 patay, halos 100 tinamaan ng typhoid sa Barili, Cebu

ABS-CBN News

Posted at Jun 27 2022 09:59 PM

Tatlo na ang namatay at umabot na sa 98 ang kaso ng typhoid fever sa Barili, Cebu mula Marso hanggang Hunyo ngayong taon. 

Napuno na ang Barili District Hospital na may kasalukuyang 25 na naka-admit dahil sa sakit.

Mga bata ang karamihan sa nagkakasakit na nakararanas ng pananakit nga tiyan, diarrhea, at lagnat. 

Pinulong nitong Lunes ni Barili Mayor Julito Flores ang mga lokal na opisyal ng bayan at Philippine Red Cross dahil sa sitwasyon.

Ayon kay Mary Jane Pañares, tagapagsalita ng bayan ng Barili, tinutulungan sila ng probinsya at Red Cross upang matugunan ang mga pangangailanan ng ospital, kagaya ng hospital beds, IV fluids stand at mga bitamina para sa mga pasyente. 

Ani Pañares, ipinatitigil na din ng bayan ang operasyon ng dalawang water sources na kontaminado, ayon sa isinagawang pagsusuri.

Naglilibot din ang mga tauhan ng municipal health office sa mga barangay upang masigurong malinis ang iinuming tubig ng mga residente, aniya.

Ayon kay Flores, hindi kailangan magdeklara ng outbreak dahil manageable pa naman ang sitwasyon.—Ulat ni RC Dalaguit De Vela

KAUGNAY NA ULAT

Watch more News on iWantTFC
Bisitahin ang Patrol.PH para sa iba pang mga balita.