Lalaki nahulihan ng P7-M halaga ng 'shabu' sa Caloocan

ABS-CBN News

Posted at Jun 26 2019 04:17 AM | Updated as of Jun 26 2019 07:00 PM

Lyza Aquino, ABS-CBN News

MAYNILA—Nasamsam ng mga pulis ang nasa P7 milyong halaga ng hinihinalang shabu sa isang binata sa buy-bust operation sa Rizal Ave., Caloocan City.

Ayon kay National Capital Region Police Office (NCRPO) director Guillermo Eleazar, hinuli ang 18 anyos na suspek matapos mabilhan ng P1.5 milyong halaga ng shabu sa loob ng isang hotel.

Watch more in iWant or TFC.tv

Nakumpiska pa suspek ang ilang pakete ng shabu na may kabuuang timbang na 1 kilo.

Itinanggi ng suspek na pagmamay-ari niya ang mga droga at sinabing napag-utusan lamang siya na ihatid ito kapalit ng P2,000.

Mahaharap siya sa kasong paglabag sa Republic Act 9165 o Comprehensive Dangerous Drugs Act of 2002.—Ulat ni Lyza Aquino, ABS-CBN News

Bisitahin ang Patrol.PH para sa iba pang mga balita.