Basaan kanselado dahil sa El Nino

MAYNILA -- Pansamantalang ipinagpaliban ang Wattah Wattah o Basaan festival sa San Juan City, bilang pagluluksa sa pagpanaw ni Vice Mayor Warren Villa.

Isang public viewing ang isinasagawa sa San Juan City hall para sa mga nagluluksa at nakikiramay sa pagpanaw ni Vice Mayor Warren Villa.

Ngayong araw rin ang pista sa siyudad, subalit ipinagpaliban muna ang Wattah Wattah festival activities para sa 7-day mourning. twitter.com/PawidReiniel

Isang public viewing ang isinasagawa sa San Juan City hall para sa mga nagluluksa at nakikiramay sa pagpanaw ni Vice Mayor Warren Villa.

Ngayong araw rin ang pista sa siyudad, subalit ipinagpaliban muna ang Wattah Wattah festival activities para sa 7-day mourning. twitter.com/PawidReiniel

Ayon kay San Juan City Mayor Francis Zamora, isang week-long city-wide mourning ang isasagawa simula June 19 hanggag June 25, 2023.

"Ang lahat po ng ating naka-schedule na activities para sa linggo na ito ay sa susunod na linggo na pagkatapos ng 7-day mourning upang magbigay ng karangalan at respeto kay VM Warren Villa, " dagdag ni Zamora.

Bukas ang public viewing sa labi ni Villa sa sa San Juan City Hall ngayong pista ni San Juan.

Sa hapon ng Hunyo 25, iikot muna sa Barangay Sta. Lucia — kung saan lumaki sa San Juan si Villa — bago siya ihatid sa huling hantungan.

Samantala, nilinaw rin ni Zamora na kanselado ang nakagawiang basaan ngayong taon.

Kinakailangan umanong isaalang-alang ang gagamitin at masasayang na tubig lalo na’t posibleng magkaroon ng kakulangan sa supply dahil sa matinding tag-init.

"Ito po ay aming inanunsyo bunsod na rin ng epekto ng El Niño, tayo po ay nagsabi na noong una na wala munang basaan dahil nga po kinakailangan nating magtipid ng tubig dahil sa el niño na ating mararanasan sa mga susunod na buwan," ani Zamora.

Nauunawaan naman ng ilang mga residente ang pagpapatigil ng tradisyon ng basaan sa pista ng San Juan.

Watch more News on iWantTFC