Welcome, Kapamilya! We use cookies to improve your browsing experience. Continuing to use this site means you agree to our use of cookies. Tell me more!
Mag-amang naglalako ng saging, patay sa hit-and-run
Mag-amang naglalako ng saging, patay sa hit-and-run
Meneil Lopez,
ABS-CBN News
Published Jun 20, 2018 11:28 AM PHT
Patay ang isang lalaki at ang kaniyang 6-taong gulang na anak matapos mabangga ng kotse ang kanilang padyak habang naglalako ng saging sa Barangay Mandalagan sa Bacolod City, Hunyo 19, 2018.
BACOLOD CITY – Patay ang isang lalaki at ang kaniyang 6-taong gulang na anak matapos mabangga ng kotse ang sinasakyan nilang padyak sa Buri Road, Barangay Mandalagan, Miyerkoles ng umaga.
Naglalako ng saging si Dante Lasconia, kasama ang kaniyang anak, nang mabangga sila ng kotse na minamaneho ng isang babae, ayon sa nakakita sa aksidente.
Ayon sa mga saksi, huminto ang driver nang ilang segundo pero tuluyan din tumakas.
Samantala, natunton na ng pulisya ang sasakyang nakabangga sa mag-ama. Iniwan ng driver ang kotse sa labas ng bahay ng kaniyang kapatid.
ADVERTISEMENT
Hindi muna pinangalanan ng pulisya ang driver na hindi na nila naabutan pa sa lugar.
Patuloy na pinaghahanap ng awtoridad ang driver para papanagutin sa pagkamatay ng mag-amang biktima.
ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.
Our website is made possible by displaying online
advertisements to our visitors. Please consider supporting
us by disabling your ad blocker on our website.
Our website is made possible by displaying online
advertisements to our visitors. Please consider supporting
us by disabling your ad blocker on our website.
