MANILA - Pansamantalang sinuspinde ang operasyon ng LRT-2 Biyernes dahil sa "technical problem," ayon sa pamunuan ng tren sa isang pahayag.

UPDATE: LRT-2 ops temporarily suspended due to a technical problem. Intervention is ongoing. We are sorry for the inconvenience.

— LRT2 (@OfficialLRTA) June 7, 2019

Sinabi ng Light Rail Transit Authority (LRTA) na nireresolba na ang sira ngunit hindi nito ibinigay ang detalye kung ano ang naging problema sa tren.

Ayon sa ilang pasahero, bigla na lamang huminto ang tren Biyernes ng umaga ilang saglit matapos umalis sa Anonas Station sa Quezon City.

Passengers traveling from Santolan to Recto are asked to get off the LRT due to a glitch Friday morning. The train suddenly braked after leaving the Anonas Station and was forced to return to the said station. | via Maron Marquez pic.twitter.com/ErlMOVBNzI

— ABS-CBN News (@ABSCBNNews) June 7, 2019

Bumalik muli ang naturang tren sa istasyon kung saan pinababa na lahat ng pasaherong lulan nito.

Noong nakaraang buwan ay 2 tren ng LRT-2 ang nagbanggaan sa pagitan ng mga estasyon ng Cubao at Anonas.

Sinabi ng LRTA na "isolated" na kaso ang naturang insidente kung saan 34 tao ang nasugatan.

• Several injured in LRT-2 train collision between Cubao, Anonas stations

Ang LRT-2 ay bumabagtas mula sa Recto sa Maynila hanggang sa Santolan sa Quezon City.