ZAMBOANGA CITY - Umabot sa 12 bahay ang nasunog sa Purok Purusan, Barangay Curuan sa naturang lungsod, Martes ng madaling araw.

Ayon kay Fire Superintendent Jhufel Brananola, District Fire Marshal sa Zamboanga, nagsimula ang apoy sa isang maliit na tindahan at mabilis na kumalat sa mga kalapit na bahay.

Tinatayang aabot sa P120,000 ang halaga ng napinsala ng sunog.

Sa paunang imbestigasyon ng BFP, maaaring electrical overload ang sanhi ng sunog dahil sa mga nakitang sub-standard na electrical wires sa pinagmulan ng sunog.

Walang nasaktan o nasugatan sa insidente.

Nangangailangan naman ngayon ng tulong gaya ng pagkain, mga damit at iba pa ang mga nasugunugan.