Watch more in iWantv or TFC.tv

MANILA -- (UPDATED) Patay ang isang lalaki habang nasa kritikal na kondisyon ang isa pa makaraang sumabog ang isang gas tank sa bodega sa Pasay City nitong Linggo.

Dead on the spot si Renato Gaspar, 49 anyos na welder ng Island Air Products sa Virata Street.

Dinala naman sa ospital ang isa pang welder na si Felix Angana.

Wala pang opisyal na pahayag ang mga awtoridad sa sanhi ng pagsabog.

Tangke ng LPG, sumabog sa isang warehouse sa Virata St., Pasay City, dalawang lalake ang nasabugan. @DZMMTeleRadyo pic.twitter.com/zgm5HWtO4L

— Zhander Cayabyab (@zhandercayabyab) June 3, 2018

Ayon sa isa sa mga pulis na unang rumesponde, may nagwe-welding umano sa loob ng pasilidad na punong-puno ng flammable materials.

Bukod sa LPG, may mga produkto ring oxygen, nitrogen, acetylene, at iba pang compressed gas na nakaimbak sa lugar.

Ayon sa Department of Energy, posibleng bawiin ang lisensiya ng kompanya kung mapatutunayang may kapabayaang nangyari.-- Ulat ni Zhander Cayabyab, ABS-CBN News