Natagpuang patay ang isang 21 anyos na lalaki sa gilid ng sapa sa Purok Sigay, Barangay Singcang-Airport sa Bacolod City nitong umaga ng Linggo.

Kinilala ang biktima na si Joemil Flores, na residente ng nasabing lugar at naghahanapbuhay sa pangongolekta ng scrap metal.

Walang nakitang sugat ang pulisya sa katawan ng biktima at hindi na pumayag pa na magsagawa ng otopsiya ang mga kaanak ng biktima.

Pero hinala ng kapatid ni Flores na maaaring pinukpok ito ng pumatay sa kaniya at itinapon sa sapa.

Patuloy ang imbestigasyon ng pulisya sa insidente.