PatrolPH

2 taong gulang na bata, patay sa sunog sa Sorsogon

ABS-CBN News

Posted at May 18 2021 10:18 PM

2 taong gulang na bata, patay sa sunog sa Sorsogon 1
Larawan mula sa Donsol Municipal Police Station sa Sorsogon

DONSOL, Sorsogon - Patay ang 2 taong gulang na bata sa Sitio Mabinit, Barangay Tupas sa bayang ito matapos masunog ang kanilang bahay bandang, umaga ng Martes.

Sa report na ipinalabas ng Donsol Municipal Police Station, natutulog daw ang bata nang biglang sumiklab ang sunog bandang alas-10 ng umaga.

Sa inisyal na imbestigasyon, lumalabas na nagsimula ang sunog nang subukang magluto ng dalawa niyang nakatatandang kapatid, na may edad 4 at 7 taong gulang, ng kopra.

Mabilis na kumalat ang apoy dahil gawa lang daw sa light materials ang bahay.

Wala ang kanilang mga magulang nang mangyari ang sunog.

Paalala ng awtoridad lalo na sa mga magulang na maging mapagbantay sa mga bata, at dapat maiging mabigyan sila ng sapat na kaalaman sa mga bagay na posibleng pagsimulan ng sunog. 

- Ulat ni Karren Canon

KAUGNAY NA BALITA: 

Watch more on iWantTFC


 

Bisitahin ang Patrol.PH para sa iba pang mga balita.