Naranasan ang malakas na hangin at pag-ulan sa lalawigan ng Davao Oriental dahil sa bagyong Crising.

Sa bayan ng Cateel, malakas ang hangin sa isang beach resort. Ulan din na may kasamang hangin ang naranasan sa bayan ng Boston.

Sa bayan ng Baganga, kung saan nag-landfall ang bagyo kaninang 8:20 p.m., ilang puno ang natumba dahil sa malakas na hangin.

Nakasailalim sa storm signal number 2 ang Cateel, Boston, at Baganga dahil sa bagyo.

Sa Pre-Disaster Risk Assessment (PDRA) ng lokal na pamahalaan ng Davao Oriental kanina, itinaas ang blue alert status, kung saan mahigpit ang monitoring ng mga awtoridad at government agencies kaugnay sa bagyo.

Inihanda na rin ang mga rescue equipment, heavy equipment, sasakyan, food packs, at manpower.

Suspendido naman ang klase sa mga paaralan sa Davao Oriental, pati na ang pagsusumite ng mga modyul.

Patuloy ang monitoring ng lokal na pamahalaa sa epekto ng bagyo.

Watch more in iWantv or TFC.tv

- ulat ni Hernel Tocmo