Patay ang isang lalaki matapos matabunan ng gumuhong lupa mula sa ginagawang balon sa Barangay Nagsulang sa bayan ng Lemery sa Iloilo, Biyernes ng umaga.

Nakilala ang namatay na si Daniel Biana, 24 anyos at nakatira sa Barangay Carmelo sa Banate sa naturang lalawigan.

Sa imbestigasyon ng Lemery Police, kasama ng biktima ang kaniyang ama sa paghuhukay sa ginagawang balon nang bigla itong gumuho at natabunan ang dalawa.

• 2 construction workers natabunan ng gumuhong lupa sa Legazpi City

May 15 talampakan ang lalim ng balon kung saan natabunan ang mag-ama.

Mapalad naman na nakaligtas ang ama na kaagad nakaakyat sa itaas.

Samantala, umabot pa ng 30 minuto bago nakuha ang anak nito mula sa gumuhong balon.

Kaagad na dinala sa ospital ang biktima pero idineklarang dead on arrival ng doktor.

KAUGNAY NA BALITA:

Watch more in iWantv or TFC.tv

- Ulat ni Rolen Escaniel