Hinainan ng search warrant ng mga tauhan ng Criminal Investigation and Detection Group (CIDG) ang dating alkalde ng bayan ng Pantar, Lanao del Norte na si Malik Alingan Miyerkoles ng umaga.

Nang suriin ang mga gamit sa bahay, isang kalibre .45 baril at mga bala ang nakuha mula kay Alingan.

Ayon sa CIDG, matagal nang minamanmanan si Alingan lalo pa’t wala ito parati sa kanilang bahay.

Pero ayon sa dating mayor, pagmamay-ari ng kaniyang anak ang nakuhang baril.

Sa kabila nito, inaresto pa rin si Alingan.

Hindi pa nagbigay ng pahayag ang CIDG tungkol sa operasyon.

Nasa kustodiya na ng CIDG Iligan si Alingan habang inihahanda na ang kasong paglabag sa Republic Act 10591 o Comprehensive Firearms Ammunition Regulations Act.