CAPIZ - Patay ang isang barangay tanod matapos hampasin ng bato sa ulo ng sariling pamangkin sa Barangay Malapad Cogon, sa bayan ng Sigma sa probinsiyang ito, hapon ng Miyerkoles.

Edad 53 ang biktima at residente ng lugar, ayon sa Sigma PNP.

Nakilala ang biktima na si Digno Olithao, 53 anyos at residente ng lugar.

• Ama napatay umano ng anak dahil sa alitan sa hapunan

Sa imbestigasyon ng Sigma PNP, nagkaroon ng pagtatalo na nauwi sa suntukan ang magtiyo habang naglalakad kasama ang isang kaibigan

Sa gitna ng pagtatalo ay nakakuha ng bato ang suspek at hinampas ito sa ulo ng biktima. Sa lakas ng pagkakahampas ay bumagsak ang biktima at nawalan ng malay.

• Alitan ng magtiyo nauwi sa pamamaril; suspek at biktima patay

Kaagad na dinala sa ospital ang biktima pero idineklara itong dead on arrival ng doktor dahil sa malubhang sugat sa ulo na natamo ng biktima.

Napag-alaman din ng awtoridad na nakainom ng alak ang magtiyo ng mangyari ang insidente. Dating alitan ang isang tinitignan na motibo sa krimen ng mga awtoridad.

Kaagad naman na nahuli ng mga rumespondeng awtoridad ang suspek at nakatakdang sampahan ng kasong homicide.

-- Ulat ni Rolen Escaniel

KAUGNAY NA VIDEO:

Watch more in iWantv or TFC.tv