MAYNILA — Hindi lang pagkain, medical needs, at iba pang pangangailangan ang hatid ng Valenzuela City local government sa mga pasyenteng may COVID-19 at frontliners, kundi pati pag-asikaso sa kanilang mga labahin.

Sa proper handling then also dis-infected the shop after... pic.twitter.com/MC6CBkHr0z

— Rex (@rex_gatchalian) April 26, 2020

Ayon kay Mayor Rex Gatchalian, nakipag-uganayan sila sa isang laundry shop para maglaba ng mga damit ng COVID-19 patients at medical staff na nananatili ngayon sa Balai Banyuhay at Meaco Hotel.

May sinusunod aniya na protocol ang LGU para sa tamang pag-handle ng mga damit ng COVID-19 patients at washable personal protective equipment (PPE) ng medical workers.

Nagbibigay aniya ng yellow plastic bags ang LGU sa mga pasyente at medical staff para doon ilagay ang kanilang mga labada.

Kukuhanin ito ng staff at ibibilad sa araw nang 2 oras, pagkatapos ay dadalhin na ito sa kinontratang laundry shop.

Ang laundry staff naman aniya ay required na nakasuot ng PPE mula sa pagtanggap ng mga labada hanggang sa matapos ito na malabhan.

Sinabi ni Gatchalian na ginawa ang hakbang na ito para hindi na mahirapan pa ang mga pasyente at para maiwasan na rin ang diskriminasyon lalo na sa mga medical worker.

Nauna nang inihirit ng ilan ang pagbubukas ng mga laundry shop sa gitna ng lockdown dahil tumatambak na umano ang mga labahin.

• Tambak na labahin idinaing; pagbubukas ng laundry shops inihirit

—Ulat ni Raya Capulong, ABS-CBN News