MAYNILA — Nasunog ang isang pabrika ng plastic at ilang katabing bahay nito sa Caloocan City nitong madaling araw ng Lunes, ayon sa Bureau of Fire Protection.

Bandang alas-2:16 ng madaling araw nang mai-report sa BFP ang sunog sa pabrika at 6 na bahay sa Barangay 165, Bagbaguin, sabi ni Fire Chief Inspector Bernardo Batnag.

Bandang alas-6 ng umaga nang ideklarang under control ang sunog.

Patuloy na iniimbestigahan ng mga awtoridad ang sanhi nito at halaga ng natupok.

Kasama sa mga nasunugan si Enrique Capispisan, 56.

Natupok aniya ang karamihan sa kanilang mga gamit at maging mga panindang candy at tubig, na siyang hanapbuhay niya.

Watch more in iWantv or TFC.tv

Samantala, sa Quezon City, nasunog din ang 6 na bahay sa Barangay Payatas A, bandang alas-5 ng hapon nitong Linggo.

Lumalabas na pagwe-welding ang dahilan ng pagsiklab ng apoy sa ikalawang palapag ng isang bahay.

Nagtamo ng first-degree burn ang isang residenteng kinilalang si Lauro Christopher Villabroza.

Tinatayang aabot sa P100,000 ang halaga ng mga ari-ariang natupok.

• Iwas-sunog tips ngayong Fire Prevention Month

— Ulat ni Lyza Aquino, ABS-CBN News

FROM THE ARCHIVES:

Watch more in iWantv or TFC.tv