Natagpuan ang mga bangkay ng dating mag-live-in partner sa Abucay, Bataan nitong Miyerkoles ng umaga.

Ayon sa Abucay Police, noong nakaraang taon ay kinasuhan ng pamilya ng babae ang lalaki dahil sa pananakit, pero kalaunan ay iniatras din nito ang kaso.

Mula noon ay hindi na umano muling nagsama ang dalawa.

Natagpuan sa crime scene ang dalawang basyo ng bala ng isang kalibre .45 na baril.

May isang tama sa leeg ang babae habang sa bandang kanan ng noo naman tinamaan ang lalaki.

“Na-discover natin, nung binuhat ng SOCO (Scene of the Crime Operatives), 'yung baril nasa lalaki... So lumalabas na parang crime of passion ito," ani Senior Insp. Jennifer Cruz, hepe ng Abucay Police.

Tumangging magbigay ng pahayag ang pamilya ng babaeng biktima.

Patuloy ang imbestigasyon ng mga awtoridad.