Patay ang dalawang lalaki sa magkahiway na insidente ng pagpatay sa Capiz nitong Biyernes ng gabi.

Sa Barangay Bula sa bayan ng Mambusao, patay ang biktimang si Jose Sorio, 35, matapos pagtatagain ng dalawang hindi pa nakikilalang salarin na pumasok sa loob ng kaniyang bahay.

Agad na tumakas ang mga salarin.

• Bata patay sa pananaga sa Davao City; suspek nanlaban umano sa pulis

Dead on arrival sa ospital ang biktima na nagtamo ng malubhang sugat sa leeg at iba’t ibang bahagi ng katawan.

Sa bayan naman ng Tapaz, patay ang isang lalaki matapos hampasin ng kahoy sa Barangay Apero.

Nakilala ang biktima na si Pedro Gabias, 45.

Sa imbestigasyon ng Tapaz Police, nakita na lamang ng isang residente na duguang nakahandusay na sa sahig ang biktima.

Kaagad na dinala sa ospital ang biktima pero idineklara itong dead on arrival matapos magtamo ng malaking sugat sa ulo.

Patuloy namang nagsasagawa ng imbestigasyon ang pulisya para mabatid ang motibo ang mga salarin sa likod ng dalawang krimen.

KAUGNAY NA BALITA:

Watch more in iWantv or TFC.tv

- Ulat ni Rolen Escaniel