Health expert may payo para di ma-heat stroke

ABS-CBN News

Posted at Apr 23 2020 06:46 PM | Updated as of May 12 2020 07:09 PM

Watch more in iWant or TFC.tv

Sa gitna ng mainit na panahong nararanasan ngayon, nagbigay ng payo ang isang public health expert para makaiwas ang mga mamamayan sa heat stroke.

Ayon sa doktor na si Susan Mercado, maaaring makaranas ng heat stroke at himatayin ang mga tao dahil sa mataas na temperatura.

Kaya naman ipinayo ng doktora sa publiko, lalo sa mga taong nasa labas at direktang lantad sa init ng araw, ang regular na pag-inom ng tubig para manatiling maginhawa ang katawan.

Ipinayo rin ni Mercado ang pagsusuot ng mga damit na manipis at hindi "dark colors," at sando para hindi mainitan ang katawan.

Kung kaya ay maaari ring maligo nang ilang beses sa isang araw, ayon kay Mercado.

Noong Miyerkoles, naitala ang pinakamataas na heat index sa Metro Manila ngayong taon.

-- Ulat ni Abner Mercado, ABS-CBN News

Bisitahin ang Patrol.PH para sa iba pang mga balita.