CEBU - Patay ang isang pahinante ng trak matapos itong madaganan ng coco lumber sa bahagi ng highway sa Lawaan, Talisay City.

Ayon sa drayber na si Danilo Sabanal Jr., gumuho ang patas ng coco lumber dahil sa pag-apak niya sa preno matapos mag-overtake ng isang taxi sa kanyang trak.

Nakatayo ang biktimang si Ariel Luceno sa lugar kung saan gumuho ang mga coco lumber. Namatay ito matapos madaganan ng mga kahoy.

Naisugod pa siya sa ospital ngunit idineklarang dead on arrival.

Pagmamay-ari ng Jarius Enterprises ang trak. Dadalhin ang mga coco lumber sa bayan ng Minglanilla mula sa pier ng Cebu City.

Kakasuhan ng reckless imprudence si Sabanal dahil sa insidente.