MAYNILA (UPDATE) — Walang pasok ang mga mag-aaral sa lahat ng antas sa mga sumusunod na lugar sa Lunes, Abril 19, 2021, dahil sa inaasahang masamang panahong dala ng Bagyong Bising.

Suspendido ang klase sa lahat ng antas at trabaho ng mga manggagagawa sa Catanduanes. Sa memorandum na ipinalabas ni Governor Joseph Cua hinggil sa suspensyon ng pasok sa mga paaralan at opisina, bagama't hindi kasama ang mga kawaning nagbibigay ng "basic services" at "disaster response."

Suspendido rin ang pasok sa mga paaralan at opisina ng gobyerno sa lungsod ng Tacloban sa Leyte, ayon sa memorandum na ipinalabas ni Mayor Alfred S. Romualdez.

Samantala, walang pasok sa mga pampublikong paaralan at opisina ng gobyerno sa lalawigan ng Samar, ayon kay Governor Reynolds Michael Tan.

Bumagal ang pagkilos ng Bagyong Bising habang patuloy nitong binabaybay ang Philippine Sea, base sa 5 p.m. bulletin ng PAGASA ngayong Linggo.

Mababa ang tsansa nitong mag-landfall sa bansa, pero inaasahang magdadala ng mga pag-ulan ang bagyo sa Eastern Visayas at Bicol region.

• Typhoon Bising decelerates, to bring rains over E. Visayas and Bicol: PAGASA

I-refresh ang pahinang ito para sa updates.

- May ulat nina Karren Canon at Ranulfo Docdocan

KAUGNAY NA VIDEO:

Watch more in iWantv or TFC.tv

Bisitahin ang ABS-CBN Weather Center para sa latest weather updates.