Tulong mula sa pamilyang Pinoy na nasa Hawaii, nakapagpakain ng 130 pamilya sa Laoag

Nasa 130 pamilya sa isang barangay sa Laoag City, Ilocos Norte, karamihan sa kanila ay indigent at frontliner, ang nabiyayaan nitong Miyerkoles sa ipinadalang tulong ng isang pamilyang Pinoy mula sa Hawaii.

Mula sa ipinadalang pera ng pamilyang Banato, nakabili ang kamag-anak nito sa Laoag City ng mga karne ng baboy at manok na ipinamigay sa mga taga-Barangay Bacsil South ng lungsod.

Ang pamamahagi ay naganap habang nasa enhanced community quarantine ang buong Luzon dahil sa COVID-19 pandemic.