Isang Leatherback sea turtle ang natagpuang patay sa dalampasigan ng Barangay Baybay sa bayan ng Makato sa Aklan, Huwebes ng hapon.

Ayon sa mga residente na unang nakakita sa pawikan, posibleng may ilang araw na itong patay at napadpad lamang sa kanilang lugar dahil sa naagnas na ang ilang bahagi ng katawan nito.

• Mahigit 200 pawikan, pinakawalan sa dagat sa Cavite

Kaagad namang ipinagbigay-alam ng mga residente ang patay na pawikan sa mga awtoridad.

Kaagad na ipinalibing ang pawikan matapos masuri ng Municipal Environment and Natural Resources Office (MENRO) sa Makato.