Watch more in iWantv or TFC.tv

MAYNILA — Nadagdagan pa ang bilang ng mga barangay sa Quezon City na isinailalim sa "extreme enhanced community quarantine" (EECQ) para maiwasan ang pagkalat ng COVID-19 sa lungsod.

Sa huling tala ng lokal na pamahalaan ng Quezon City, 11 pang barangay ang nadagdag sa naturang listahan:

• Manresa
• Paltok
• Sto.Domingo
• Bagong Silangan
• Holy Spirit
• Payatas
• Marilag
• Socorro
• Kamuning
• Pinyahan
• San Isidro Labrador

Hindi pa malinaw kung buong barangay o mga bahagi lang nito ang isinailalim sa EECQ.

Isinailalim sa EECQ lugar kung saan nakatira ang may higit 2 magkakahiwalay na positibong kaso ng COVID-19.

Matatandaan na ang iba pang mga barangay na nauna nang isinailalim sa EECQ ay ang mga sumusunod:

• BL Crame
• Bahay Toro
• Batasan Holls
• Culiat
• E. Rodriguez
• Kalusugan
• Maharlika
• Marilag
• Matandang Balara
• Paligsahan
• Pasong Tamo
• R. Magsaysay
• San Isidro Galas
• San Roque
• South Triangle
• Tandang Sora
• Tatalon
• Teachers Village West

Ayon sa QC LGU, ang mga nabanggit na barangay na isinailalim sa EECQ ay batay sa rekomendasyon ng QC Epidemiology and Disease Surveillance Unit.

Sa ilalim ng EECQ, magpapatupad ng mahigpit na monitoring at surveillance sa mga nabanggit na lugar.

Babantayan ng mga pulis, barangay officials, at health workers ang mga quarantine checkpoint sa lugar.