PatrolPH

SAPUL SA CCTV: Bata sinagip ng guwardiya sa nasusunog na kotse

ABS-CBN News

Posted at Apr 01 2021 02:52 PM | Updated as of Apr 04 2021 06:39 PM

Video mula sa Bureau of Fire Protection-Davao Region

Pinarangalan ng Bureau of Fire Protection (BFP) sa Davao region ang isang guwardiyang sumagip sa isang 3 taong gulang na lalaki mula sa nasusunog na sasakyan.

Nangyari ang pagkilala kay Kenneth Brian Cangke noong Miyerkoles sa culminating activity ng BFP para sa Fire Prevention Month.

Sa kuha ng CCTV sa insidenteng nangyari noong Marso 4 sa Davao City, mapapanood ang pagsagip ni Cangke sa batang nasa loob ng nasusunog na sasakyan sa labas ng isang paaralan. 

Mapapanood din na kumuha ng fire extinguisher si Cangke para apulahin ang apoy.

Nanawagan ang BFP sa lahat na suriin ang kanilang sasakyan o bahay para maiwasan ang sunog at ingatan ang kanilang anak.

-- Ulat ni Hernel Tocmo

Watch more on iWantTFC
Bisitahin ang Patrol.PH para sa iba pang mga balita.