Muling idinaos ngayong Linggo ang Parayan Festival sa bayan ng San Roque, Northern Samar matapos matigil ng 3 taon dahil sa COVID-19 pandemic.

Sampung grupo ang nakilahok sa parada, tampok ang makukulay na costume at ritual dance, ayon sa municipal tourism office ng San Roque.

Ipinarada rin ang malalaking props na hango sa mga gamit sa pagsasaka.

Ang Parayan ay nangangahulugang "palay" at ipinagdiriwang bilang pagpapasalamat sa masaganang ani ng palay, na pangunahing produkto ng bayan.

Idinaos din ang pista kasabay ng founding anniversary ng bayan ng San Roque, na ginugunita tuwing ika-3 linggo ng Marso.

Inaasahan ng lokal na pamahalaan na makakahikayat ng maraming bisita ang pista, na makapagbibigay umano ng mga oportunidad sa mga residente ng bayan.

— Ulat ni Ranulfo Docdocan