Welcome, Kapamilya! We use cookies to improve your browsing experience. Continuing to use this site means you agree to our use of cookies. Tell me more!
Sumiklab ang sunog sa isang residential area sa Barangay Comembo, Makati, Marso 12, 2023. ABS-CBN News
Nagtamo ng mga paso ang isang bata sa sunog na tumama sa isang residential area sa Makati City nitong Linggo, kung saan tinatayong aabot sa P6 milyon ang halaga ng pinsala, ayon sa mga awtoridad.
Pasado alas-4 ng madaling araw nang sumiklab ang sunog na nakasapul sa 12 magkakadikit na bahay sa Barangay Comembo.
Ayon sa mga residente, nag-outing ang mga nakatira sa bahay na pinagmulan ng sunog at may naiwang bukas na ilaw.
Mabilis din umanong kumalat ang apoy dahil gawa sa light materials ang mga bahay.
Nagtamo naman ng second-degree burn ang isang 8 taong gulang na lalaki habang tumatakbo palabas ng compound, ayon kay Senior Fire Officer 4 Jaime Macababayao.
Bandang alas-6 ng umaga na nang maideklarang fire out ang apoy.
Sa inisyal na pagtataya, aabot sa P6 milyong halaga ng ari-arian ang natupok.
Patuloy na inaalam ng mga awtoridad ang pinagmulan ng sunog.
Nagpaalala ang mga awtoridad sa publiko na tiyaking nakapatay ang mga appliance at walang naiiwang nakasaksak bago umalis ng bahay.
ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.
Our website is made possible by displaying online
advertisements to our visitors. Please consider supporting
us by disabling your ad blocker on our website.
Our website is made possible by displaying online
advertisements to our visitors. Please consider supporting
us by disabling your ad blocker on our website.
